بنى العضلات بيبقى صعب فى فصل الشتاء، كتير من لاعبى كمال الأجسام عايزين يحصلوا على عضلات من غير دهون، فلاعبى كمال الأجسام بيقسوا على نفسهم فى الدايت بتاعهم وبيتمرنوا اكتر علشان يحرقوا الكالوريز الكتيره اللى اكلوها فى فصل الشتاء، علشان كده احنا جبنالك اطعمة جديدة وروتين كمان علشان يساعدك على الحصول على الكتلة العضلية فى فصل الشتاء بكل سهولة.
فصل الشتاء معروف أنه فصل الإنفلونزا والميكروبات، خصوصاً للناس اللى عايشين فى مناطق باردة جداً، على العموم جهاز المناعة بيبقى موجود فى الأمعاء، علشان تكون صحتك كويسه، لازم تكون أمعاءك سليمه كمان، معظمنا بياكل كل شوية وبكميات كبيرة فى فصل الشتاء، وبالسبب ده الجهاز الهضمى بيضعف، عنصر الـProbiotic بيساعد على تقوية جهاز المناعة وبتلاقى العنصر ده فى اللبن والزبادى، كمان supplement الجلوتامين بيساعد على تقوية جهاز المناعة، خد 5 جرام كل ساعة وأنت حاسس بالبارد، كمان الجلوتامين بيعالج الأمعاء لو كانت مصابة بالبكتيريا.
جرب تنوع فى الاكل بتاعك، خصوصاً فى فصل الشتاء، ما تاكلش نفس الأكل كل مره فى الدايت، خلال فصل الشتاء، مخك بيكون اداءه بطيئ ومستوى الطاقة بيقل، وكمان فى فصل الشتاء احنا مابنتعرضش للشمس لفترة كافية، فيحصل نقص فى فيتامين D، علشان كده لازم تعوض جسمك بفيتامين D الأساسى من الأكل الطبيعى، هنا بعض المصادر علشان تحصل على فيتامين D:
- سمك الماكريل
- زيت الكبد
- السلمون
- السردين
- الكبد البقرى
- البيض
أحسن حاجة تقدر تعملها هو أنك تزود من أكل البروتين، طريقة من الطرق لتزويد البروتين هو اكل لحمه أكتر، وجرب انواع اكل مختلفة، ده هيساعدك أنك تحصل على كتلة عضلية اكتر اثناء "مرحلة التأهيل" بس كمان هيساعدك فى تركيزك طول اليوم وينشط الأيض كمان، كل أنواع الـكمان.
- دايماً خلى معدل حرق الدهون عالى
لكل أكل معاد، الجسم بيكون فعال فى الأستفادة من الكربوهيدرات بالليل، بكده يستحسن أنك تاكل كربوهيدات بتعلى سكر الدم زى البطاطا الحلوه والرز والجزر، والوجبة دى حتبقى أحسن تاكلها بعد تمرين شديد، البروتين والـAmino Acids هيساعدوا فىتنشيط معدل حرق الدهون، بس اكل الكربوهيدرات فى الوقت المناسب حيديك طاقة كافية لما تعمل الـLifting المره الجاية.
قله التعرض للشمس وللتدفئة، بيخلى بعض الناس ميكونوش متحمسين أنهم ينقصوا دهون الجسم، بس المخ بيحتاج جميع مصادر الدهون علشان يأدى وظيفته، كمان انت محتاج الدهون علشان تبنى عضلات خصوصاً فى فصل الشتاء، أحسن مصادر للدهون المشبعة زى زيت جوز الهند والزبدة الطبيعية واللحمة والمكسرات، بتساعد الدهون المشبعة على الأحتفاظ بالأوميجا 3 فى الخلايا وبتخليها سهله كمان فى تحويلها الى DHA وده مهم جداً علشان يحافظ على صحه ووظيفة المخ فى كل مراحل الحياه، بس خلى بالك كتر الدهون المشبعة خطر على الصحه، حاول تاخد حوالى ⅓ دهون مشبعة بس من الدهون اليومية.
